منذ اسابيع تشهد مدينة تازة توثرات اجتماعية بدات باحتجاج لحاملي الشهادات المعطلين في المدينة و الي تاي يطالبو بالإدماج في الوظيفة العمومية. بلغات هذه الاحتجاجات الذروة ديالها يوم الأربعاء فاتح فبراير حينما تحولت إلى مواجهات عنيفة بين عدد من شباب المدينة و قوات الأمن، خصوصا في حي الكوشة.
أصدرت الحكومة المغربية الجديدة و التي يرأسها حزب العدالة و التنمية الإسلامي بيانا (الأول من نوعه منذ التعيين ديالها) مساء الأحد تعلن فيه عن عودة الهدوء إلى المدينة.
المثير هو نبرة التهديد الموجه تحديدا إلى الصحافة الإلكترونية. يعني ما يمكن للواحد إلا أن يتفق مع المسألة ديال "أخلاقيات المهنة من التحري والإنصاف وتوخي بيان الحقيقة٬" و لكن الخطير في الأمر و اللي أنا ما عمري ما غادي نفهم هو الرجوع إلى مصطلحات غامضة و قابلة للتأويل بحال "رموز الدولة وثوابتها".
البيان ما تكلمش على مسألة إتهام المواطنين لقوات الأمن بالتعدي على الممتلكات والتهديد ديالهم كما فضحت ذلك وسائل الإتصال... الإلكترونية.
هاد الوسائل الإلكترونية لي بلا بيها ما كوناش وا قيلا غادي نعرفو اشنو واقع في تازة أصلا.
هنا مثلاً، فيديو تايقول فيه هاد المواطن من تازة أن البوليس هدد باغتصاب الزوجة ديالو و تعدآ على حرمة الملك ديالو الخاص ...
واش غادي يتفتح تحقيق فهاد المسألة ؟
و هنا فيديو مونتاج كايبين كيف تقوم الإذاعة الوطنية الثانية، اللي المواطنين تايمولو من جيبهم على فكرة، بتغليط الرأي العام و التكلم عن "أيدي خفية" و حذف إتهام المواطنين لقوات الأمن بالتعدي على ممتلكاتهم...
واش الاعتداء اللي هاد السيدة تاتقول قامت به عناصر الشرطة غادي يتفتح فيه تحقيق ؟ واش غادي يفتح نقاش حول مدى إحترام وسائل الإعلام العمومية ل "أخلاقيات المهنة من التحري والإنصاف وتوخي بيان الحقيقة٬" كيفما قال البيان ديال الحكومة ؟
هاد البيان الصراحة تيبين أن فلسفة التعامل مع الأزمات ما تغايرآتش بزاف : إستعمال نفس المبادئ الفضفاضة , تهديد حامل الرسالة، الصحافة، الإلكترونية في هاد الحالة، و التغطية على الكذوب و الخطاب المصقول ديال وسائل الإعلام, و دوزيم ب التحديد.
هاد التعامل الأمني مع الأحداث يمكن يكون ليه عواقب سياسية كبيرة بالنسبة لبنكيران والحزب ديالو ... يعني أفضل احتمال هو أن حزب بنكيران غير متفق مع الخيارات الأمنية الخارجة عن سيطرته ولكنه مضطر أن يقبلها ... والنتيجة هو أنه يؤدي الثمن السياسي لقبوله لعب دور الواجهة السياسية للنظام.
أولاً مع القاعدة ديالو. البيان تيبين ربما بداية التناقض الحاصل بين قيادات الحزب المسيطر على الحكومة و قاعدته كما تاتبين تصريحات أحد أعضاء البرلمان من الحزب نفسه و اللي جات عكس البيان الحكومي . النائب بوقرعي إختار وسيلة إعلام إلكترونية ليحمل أجهزة الأمن (ماشي الصحافة) المسئولية في تفاقم الأوضاع :
ثانياً مع المتظاهرين والساخطين على الوضعية ...هاذ الصورة من تازة تاتبين شكون هو المسؤول بالنسبة للمتظاهرين...
و لكن فوق من هاد شي كامل، الأزمة الحالية عرات على التناقض التي أفرزها النظام الإنتخابي والسياسي عموماً على رأس الدولة بغرض إخضاع القرارات الأمنية إلى دائرة معروفة، منغلقة، لا تخضع للمحاسبة ما زالت تحرك كل ما يتعلق بالداخلية . يعني، من المثير للانتباه أننا مثلاً ماشفناش إلى حد الآن أي خروج للإعلام لمحند العنصر ، المفروض أنه يسير الداخلية. هادشي تيئكد الطابع الصوري للتعيين ديال العنصر الي ممكن تصنيفه ضمن الرخويات (mollusques) السياسية.
في المقابل ديال هادشي دعا بعض نشطاء حركة 20 فبراير إلى "قافلة تضامنية مع مدينة تازة" غادي تنطلق نهار الإثنين من مدينة الدار البيضاء، كما نشر حمزة محفوظ، أحد أعضاء الحركة، على الفيسبوك :
حركوا هواتفكم وجيوبكم وأعصاب الإبداع في أذمغتكم؛ "إنهم يُعممون القمع، لنعمم التضامن" !
الحزب الإشتراكي الموحد نشر بيان تاي ندد فيه ب-"لجوء السلطات العمومية بتازة إلى خيار المقاربة الأمنية بدل المقاربة التنموية ، ويندد بالسلوك الوحشي لقوات القمع في حق السكان."
خلاصة القول، تيظهر لي بأن هاد الصورة (المصدر : رصد المغربية) كاتلخص الحالة ديال الحكومة الحالية مزيان : حكومة إطفاء الحوارق ... في خدمة المخزن !
